Shala Setu

શિક્ષક મિત્રો, અહિં એક નમૂનારૂપ સેલરીબુક આપી છે. આ સેલરીબુકમાં દરેક હિસાબી વર્ષ માટે અલગ-અલગ શીટ આપેલ છે. આ નમૂનામાં 2002ના વર્ષથી અત્યાર સુધીના આંકડા છે. આગળના વર્ષ માટે શીટ કોપી કરી લો. હિસાબી વર્ષના અંતે આ શીટની પ્રિન્ટ કરી ઇન્કમટેક્ષ ફોર્મ સાથે પણ જોડી શકાશે. આ પ્રમાણે નોકરીના સમગ્ર કાર્યકાળનો રેકોર્ડ આ એક ફાઇલમાં રાખી શકાય. 

વર્ષ 2012-13 થી અમલી બનાવેલ નવી મૂલ્યાંકન પદ્ધતિ મુજબ ધોરણ 1 થી 8 માટે હવે “શાળાકિય સર્વગ્રાહી મૂલ્યાંકન” કરવાનું રહેશે. આ મૂલ્યાંકન પ્રક્રિયાને સરળ બનાવવા શાળાકિય સર્વગ્રાહી મૂલ્યાંકન સોફ્ટવેર તૈયાર કરેલ છે. આ સોફ્ટવેર તાલીમ મોડ્યૂલ મુજબ MS Excel 2007 માં બનાવેલ છે. આપે ફક્ત જરૂરી માહિતી ઉમેરવાની રહેશે. સંબંધિત ગણતરીઓ આપોઆપ થઇ જશે.

શિક્ષકમિત્રો, અહિં આપને તારીખની ગણતરી કરવામાં ઉપયોગી બને તે માટે ગણનયંત્ર આપવામાં આવ્યું છે. આ Excel ફાઇલ આપને બે તારીખ વચ્ચેનો સમયગાળો વર્ષ, માસ અને દિવસમાં ગણી આપશે. આ ગણનયંત્રનો ઉપયોગ બાળકોની ઉંમર, શિક્ષકોની નોકરીનો સમયગાળો, BLOને મતદારોની ઉંમર વગેરે ગણવામાં મદદરૂપ બનશે.

અંગ્રેજીમાં શબ્દ ભંડોળ વધારવા અને દ્રઢીકરણ કરાવવા માટે અહિં એક ગેમ આપી છે. આ ગેમ ગમ્મત સાથે અંગ્રેજી શિક્ષણ આપવામાં મદદરૂપ બનશે. આ ગેમમાં અગાઉથી ઉમેરેલા સ્પેલિંગમાંથી એક સ્પેલિંગ સ્ક્રીન પર લેખાશે. પરંતુ મૂળાક્ષરને બદલે ‘?’ નિશાની હશે. તેની નીચે અંગ્રેજો મૂળાક્ષરોના બટન આપેલ હશે. આમાંથી મૂળાક્ષરના બટન પર ક્લિક કરતા, જો તે મૂળાક્ષર ઉપરના સ્પેલિંગમાં આવતો હશે તો દેખાશે. નહિતર આપનો પ્રયત્ન ખાલી ગયો ગણાશે. આમ નિર્ધારિત પ્રયત્નોમાં સ્પેલિંગ ઓળખવાનો રહેશે.

મિત્રો, આપને શૈક્ષણિક કાર્ય બાદ વિદ્યાર્થીઓનું મૂલ્યાંકન કરવામાં ઉપયોગી બને તેવી સામગ્રી અહી આપેલ છે. આ મૂલ્યાંકન સામગ્રીનો ઉપયોગ કરો અને શિક્ષણકાર્યને રસપ્રદ બનાવો. આપની પાસે કોઇ વિશિષ્ટ પદ્ધત્તિ કે સામગ્રી હોય તો જરૂરથી મોકલજો.

મિત્રો, અહિં માસિકપત્રકના નમૂનાઓ આપેલા છે. દરેક જિલ્લામાં આ ફોર્મેટ અલગ-અલગ હોવાથી અમૂક જિલ્લાના ફોર્મેટ અન્ય શિક્ષક મિત્રો પાસેથી પ્રાપ્ત થયા છે તે રજૂ કરું છું. આપના જિલ્લાના ફોર્મેટમાં જો ફેરફાર હોય તો આપ તેનો નમૂનો મોકલશો. જેથી તેને અન્ય સુધી પહોંચી શકે.